Kvitt pulver

I gamle dagar var kvitt pulver
både godt og nyttig.
Mjølet var ei velsigning,
og mor brukte melis på kringla
når det var fest i huset.
I fjøset døydde flugene som fluger
med DDT,
- men det var visst ikkje bra.

Aller likast var Ata skurepulver.
Folk som jobba
i skogen og fabrikken
vart skitne og ufjelge,
og arbeidsplassane likeså.
Den gongen heitte det blåtøy,
ikkje stonewashed denim.
Husmora betalte reinhaldet
med grove fingrar.
Men ho skulle likevel ikkje
løfte stettglas i caféen.

Kvitt pulver? Rør deg ikkje!
Set vaskebøtta frå deg!
Opp mot veggen
og strekk ut armane!
Hugs at du har
ein annan hudfarge!
Ikkje kvitt pulver frå deg!

Men eg har framleis litt
Ata skurepulver i skåpet.

Lappeskomaker'n